apshagun-अपशगुन-2

Apshagun-2 | अपशगुन-2

Apshagun-2 | अपशगुन-2

Apshagun kahane ke is doosre bhaag Apshagun-2 | अपशगुन-2 men aap sabhi kaa swaagat hai. is kahanee men aapne abhi tak padha ki :-

Ram aur shyam dost  hote hain jo Himachal ke Una jile men rahte the.  Vo dono intervew ke liye jaate hain. Raaste men ek billi Shyam ka raasta kaat jaati hai.  Shyam is baat ka bahut buraa maantaa hai.

Ram shyam ko bahut samjhata hai. lekin vo maanta nahin. fir shyaam usko kavitayen sunata hai. shyam thoda normal hota hai. Vo dono ik dukaan par chaye peete hain aur apne interview ke liye nikal padte hain.

Ab aage:-

Vo dono interview wale sthaan par pahunchte hain. Office men pahunchakr bo lage sofe par baith gaye. Vo dono apnee turn ka intzaar kar rahe the.

Lagbhag aadhe ghante ke baat Ram kee turn aa jaatee hai. Vo apna interview deta hai. Aur bahar aa jata hai.

Shyam:- Ram ! Kaise hua tumhara interview?

Ram:- Bahut acha hua bhai. Aur Interview lene wala bhee bahut achaa insaan tha.

Shyam:- acha ! Chal theek h. Mujhe to milegee nhin Nokari.

Ram:- kyun?

Shyam:- kyunki billi raasta kaat gayi.

Ram:- are yaar? Abhi tak tu bahan par hee atkaa padaa hai.

Shyam:- to kya karun aur.

Ram:- Tu kuch mat kar. Bas billi aur apshagun ko apne dimaag se nikaalkar interview de apna. Sab theek ho jayega.

Shyam:- lekin kaise?

Ram:- tujhe apne liye nokari chahiye ya billi.

Shyam:- yakeenan nokari.

Ram:- to bas fir noakri 0ar dhyan de. Billi par nahin.

Itne men shyam kee turn aa jaatee hai. Air shyaam interview dene jata hai. Darwaje par jakar :-

Shyam:- may i come in sir?

Interviewer:- yes come in please.

Ander jakar shyam uske saamne khadaa ho jata hai aur

Shyam:- Good morning sir.

Interviewer:- very good morning. Please have a seat.

Shyam:- thanks sir.

Yeh bolkar shyam kursee par baith jata hai aur apnee file interviewer ko deta hai.

Best Quotes ko padhne ke liye yahan click karen.

Interviewer:-  kya hua shyam kuch pareshan se lag rahe ho.

Shyam:- nhin sir kuch nhin main theek hun.

Interviewer:- lo paani piyo.

Yah kehkar interviewer paanee kaa gilaas shyam kee taraf badhaataa hai.

Shyam:- thanks sir.

Pani peekar shyam khalee gilaas rakh deta hai.

Interviewer:- achaa aur btao ghr men kon kon hai?

Shyam:- sir mere mata pita aur meri teen bahne.

Interviewer:- shadi ho gyi?

Shyam :- nahin sir. Abhi do behno kee hui hai.

Interviewer:- aur teesree?

Shyam:- jee vo abhee padh rahee hai.

Interviewer:- achaa! Matlab tumharee baaree hai.

Shyam:- jee sir. Lekin abhi nhin karunga.

Interviewer:- kyun bhai.

Shyam:- sir pehle apne pairon par khadaa hona hai. Sister kee shadi karnee hai aur fir apna sochenge.

Interviewer:- are yaar. Acha koi gf!

Shyam:- nhin sir padhai men busy tha to in sab cheezon ke liye samay nhin mila.

Interviewer:- acha matlab meri tarah ho. Main bhi tumhari tarh tha bhai. Bilkul fisadii laal. Aur pta hai ladikiyan mujhe chedkar jaya kartee thin.

 

Is baat par dono hansne lagte hain. Ab shyam interviewer ke sath sahaz ho chuka tha.

Interviewer:- chalo theek hai. ab tmhara interview start karen.

Shyam:- Ok sir.

Fir interviewer uska interviewer leta hai. Jab interviewkhatm hua to interviewer ne poocha.

Interviewer:- han to Shyam ab kaisaa feel kar rahe ho?

Shyam;- bahut acha feel kar rha hun sir.

Interviewer:- Vo pehle ke swaal tumko normalkarne ke liye pooche the. bura to nhin laga?

Shyam:- nahin sir. balki thanks jo aapne mujhe normal kiya.

Interviewer:- ab ye bta do ki pareshan kyun the.

Shyam usko billi bali poori baat btata hai.

Billi wali baat ko padhne ke liye yahan click  karen.

Interviewer:- are dost! aisaa kuch nahin hota. aur tumhare jaise padhe likhe aadmi se to mujhe yeh umeed bilkul nhin thee.  In sab baaton se bahar niklo.

ab socho jara Billi ne tumhara raasta kaata ya tumne billi ka?  koi tumhare liye aisaa soche to kya feel karoge? Vo  ek jaanvar hai.  tum insaan ho. apne karm par bharosa rakho bas.

yah parmatma sab men hai to usme bhi hai. to bhagwan tumhare aage se nikle to kya apshagun manoge?

Kirdaar Par Kavita ke liye yahan click karen.

 

Interviewer:- aur han us billi ka to tumhare liye ek tarah ka shagun hua jo tume nokari mil rahi hai.

ab Shyam kee aankhen jhuk gayin thin. use khud par sharmindagi mehsus ho rahi thi.

Shyam:- sorry sir. main aapko vachan deta hun ki aaj ke baad main in sab baton men dhyan nhin doonga. aur nokari ke liye thanks.

Interviewer:- iske liye thanks kee zarurat nhin hai. Tum is noakri ke liye upyukt ho isliye mili hai. mene to bas tumko sahaz bnaya hai. varna tum interview theek se nahin de pate.  uske liye thanks bol sakte ho.

Shayam:- ok thanks sir.

Interviewer:- ok welcome.  Ab ghar mithai lekar jana. aur meri baat hamesha dhyaan rakhna.

Shyam bahan se bahar aataa hai.

Ram:- han bhai shyam kaisa raha interview?

usko gale lagaka shyam khushi se jhoom uthtaa hai.

Shyam:- mubarak ho bhai. mujhe bhee tumhare sath sath noakri mil gayi.

Ram:- dekha! mene kaha tha na.

Shyam:- han bhai. tumne theek kaha. Aur vo inetrviewer bhee bahut achaa tha. usne pehle mujhe relex kiya fir interview liya. usne meri aankhen khol din.

ab bhai main kasam khata hun ki ab in sab baton men dhyan nahin doonga. chal ab ghar chalte hain aur mithai lekar jana hai. Interviewer ne kaha hai.

dono ghar kee tarf chal padte hain.

 

Apshagun-2 | अपशगुन-2 का Nishkarsh:-

To dosto Galat to koi bhe ho sakta hai ya bhramt bhi ho sakta hai. lekin Shyam kee tarah subah kaa bhoola shaam ko agar ghar laut aaye to baat hee alag hai.  usko jaise hee ehsaas hua vaise hee usne khud ko sudhara. iske sath sath hame uske dost kee tarah aur us interviewer kee tarah bhi soch rakhne chahiye.

 

aapko yah kahanइ (Apshagun-2 | अपशगुन-2) kaisi lagi? apne vichar hamare saath comment ke madhyam se zarur sanjha kare.

Apshagun-2 | अपशगुन-2  ke baare men apne sujhav ya shikayat ke liye is link par click akren:- Contact Us

 

 

Namaskaar

Apshagun-2 | अपशगुन-2  के अलाबा यह भी पढ़ें :- 

  1. Money matters
  2. Apne(Opens in a new browser tab)
  3. Shuruat Kisi Rishte Ki
  4. Kali Zuban -2 (काली ज़ुबान-2)

 

 

About R.K.Jaswal

R.K.Jaswal
Hello! I am R.K.Jaswal, belongs to Una Distt. Part of beautiful Himachal Pradesh state of the great India. I like to read poetry, Shayari, moral stories, and listening to music. I also like to write such things i.e. Moral Stories, Shayari, and poetry in different categories. I confess that I am not a professional writer. I am just trying to give the words to my thoughts at Man Ke Par website. because I am a learner, not a professional writer, so there is much possibility for errors. So all of you are requested to kindly aware me about my mistakes by commenting on my posts. I am always available to improve my skills and minimize mistakes. Regards R.K.Jaswal

6 comments

  1. Avatar

    nice story. good

  2. Avatar

    achi kahanee hai

  3. Avatar

    bahut achi story hai

  4. Avatar

    great moral story

  5. Avatar

    Outstanding

Leave a Reply

Your email address will not be published. Required fields are marked *